後會有期

阿四：

小森，我哋點解今日著得咁醒目嘅？

小森：

「88金管」呢個專欄今期同大家講拜拜啦！我哋兩個金管局「觀察專員」可以抖一抖，所以嚟搵陳總裁道謝兼話別，影相留念。

阿四：

唔經唔覺我哋喺度都發表咗近100篇文章，當中除咗同大家介紹金管局最新嘅工作，亦會講解一啲專用嘅金融辭彙、金融科技發展等，希望大家對我哋有更深了解。

小森：

其實我哋又邊識咁多嘢吖！多得各部門同事畀料，「88金管」嘅內容先至可以咁豐富。連陳總裁都幫埋一份！之前去美國Jackson Hole參加央行年會，仲做埋「攝記」影相畀我哋。另外，好多忠實讀者都畀咗好多好有用嘅建議㗎！

阿四：

以後想繼續緊貼金管局嘅最新消息，就一定記住like同follow金管局嘅facebook專頁（http://www.facebook.com/hkmagovhk）啦，亦可以上嚟我哋喺中環嘅資訊中心搵我哋！

小森：

趁呢個機會，我哋想再次多謝每一位支持同鼓勵過小森同阿四嘅讀者！如果想重溫舊文，可到http://www.hkma.gov.hk/chi/key-information/column/。

小森及阿四：

祝大家有個健康、美好嘅2019年！

圖片說明：陳總同小森（左）、阿四（右）話別