后会有期

阿四：

小森，我哋点解今日着得咁醒目嘅？

小森：

「88金管」呢个专栏今期同大家讲拜拜啦！我哋两个金管局「观察专员」可以抖一抖，所以嚟搵陈总裁道谢兼话别，影相留念。

阿四：

唔经唔觉我哋喺度都发表咗近100篇文章，当中除咗同大家介绍金管局最新嘅工作，亦会讲解一啲专用嘅金融辞汇、金融科技发展等，希望大家对我哋有更深了解。

小森：

其实我哋又边识咁多嘢吖！多得各部门同事畀料，「88金管」嘅内容先至可以咁丰富。连陈总裁都帮埋一份！之前去美国Jackson Hole参加央行年会，仲做埋「摄记」影相畀我哋。另外，好多忠实读者都畀咗好多好有用嘅建议㗎！

阿四：

以后想继续紧贴金管局嘅最新消息，就一定记住like同follow金管局嘅facebook专页（http://www.facebook.com/hkmagovhk）啦，亦可以上嚟我哋喺中环嘅资讯中心搵我哋！

小森：

趁呢个机会，我哋想再次多谢每一位支持同鼓励过小森同阿四嘅读者！如果想重温旧文，可到http://www.hkma.gov.hk/chi/key-information/column/。

小森及阿四：

祝大家有个健康、美好嘅2019年！

图片说明：陈总同小森（左）、阿四（右）话别