硬幣之最

小森：

阿四考下你，五蚊銀同十蚊銀邊個厚啲？

阿四：

（從口袋掏出五元和十元硬幣）即刻比較下咪知囉。睇落一樣咁厚。

小森：

錯！五蚊厚啲啲，比十蚊銀厚0.1毫米㗎，亦係香港最厚嘅硬幣。佢之所以咁厚，係因為五蚊銀嘅周邊刻有港幣五圓嘅中英文字，十蚊銀嘅周邊只係刻線紋，呢個既係五蚊銀嘅特色，亦係防偽特徵嚟。

阿四：

其實全港有幾多個流通硬幣？

小森：

大約有64億個，如果將所有硬幣平鋪嘅話，加埋總面積有250萬平方米，差唔多有43個大球場咁大。

阿四：

如果將所有硬幣疊高又有幾高？

小森：

差唔多有1100萬米咁高，即係有一千二百幾個珠穆朗瑪峰咁高。

阿四：

如果將所有硬幣磅重，又有幾重呀？

小森：

超過3.4萬噸咁重，等如三千幾部收銀車咁重！

阿四：

提起重量，我最怕周身散銀，平時收埋收埋都無機會用，所以成日留意住金管局收銀車嘅日程表，每次儲埋一堆就交畀收銀車回收，咁就最方便啦。

小森：

收銀車除了現時可用散銀增值八達通之外，金管局還會考慮引入其他儲值支付工具，推廣電子貨幣。遲吓會有公佈！

硬幣小知識

想問多啲有關金管局工作，歡迎電郵到小森、阿四專用郵箱：
88hkma@hkma.gov.hk