硬币之最

小森：

阿四考下你，五蚊银同十蚊银边个厚啲？

阿四：

（从口袋掏出五元和十元硬币）即刻比较下咪知罗。睇落一样咁厚。

小森：

错！五蚊厚啲啲，比十蚊银厚0.1毫米㗎，亦系香港最厚嘅硬币。佢之所以咁厚，系因为五蚊银嘅周边刻有港币五圆嘅中英文字，十蚊银嘅周边只系刻线纹，呢个既系五蚊银嘅特色，亦系防伪特征嚟。

阿四：

其实全港有几多个流通硬币？

小森：

大约有64亿个，如果将所有硬币平铺嘅话，加埋总面积有250万平方米，差唔多有43个大球场咁大。

阿四：

如果将所有硬币叠高又有几高？

小森：

差唔多有1100万米咁高，即系有一千二百几个珠穆朗玛峰咁高。

阿四：

如果将所有硬币磅重，又有几重呀？

小森：

超过3.4万吨咁重，等如三千几部收银车咁重！

阿四：

提起重量，我最怕周身散银，平时收埋收埋都无机会用，所以成日留意住金管局收银车嘅日程表，每次储埋一堆就交畀收银车回收，咁就最方便啦。

小森：

收银车除了现时可用散银增值八达通之外，金管局还会考虑引入其他储值支付工具，推广电子货币。迟吓会有公布！

硬币小知识

想问多啲有关金管局工作，欢迎电邮到小森、阿四专用邮箱：
88hkma@hkma.gov.hk