- 阿四：
- 美国早排又加息！有啲人话美国再加息，就会触发香港出现资金大举外流，影响金融稳定，系咪咁得人惊？
- 小森：
- 香港系国际嘅金融同商贸中心，资金成日自由出入㗎啦！最重要嘅系银行有冇妥善管理好流动性风险。
- 阿四：
- 乜嘢系流动性风险？点解流动性咁重要？
- 小森：
- 流动性系随时可以动用嘅资金，包括可以快速变现嘅流动资产。银行流动性愈高，抵御资金外流嘅能力就愈强。
- 阿四：
- 我明白，就好似我有层楼喺手，即使呢层楼价钱几高都好，如果急起嚟变卖唔到，都系等如无钱用。咁金管局有乜方法确保银行妥善管理流动性风险？
- 小森：
- 金管局要求银行按自身嘅业务性质，制定合适而审慎嘅流动性风险管理系统，通过现场同非现场审查，评估银行流动性风险管理嘅成效。我哋会定期对银行进行流动性压力测试，评估银行以至整个银行体系系咪能够应付资金喺短时间内大规模流走嘅风险。你放心啦，香港银行嘅流动性相当充裕，以第1类机构（包括大部分零售银行）为例，2018年第二季平均流动性覆盖比率超过150%，高于法定最低要求嘅90%水平，显示香港银行业应付资金流走嘅能力相当强！
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
|
题：银行体系流动性覆盖比率远高法定要求
|
|
|
