- 阿四：
- 金管局最近成立咗处置机制办公室，查实「处置」系乜东东？
- 小森：
- 2008年全球金融危机时，各地政府担心金融机构倒闭会波及整个金融体系，于是动用天文数字嘅公帑拯救「大得不能倒」金融机构，呢种「佢请客，我埋单」嘅做法引起社会各界非议。国际间于是制定咗处置机制，避免再用公帑帮呢啲金融机构填氹。
- 阿四：
- 唔用公帑嘅钱，咁用边个嘅钱？
- 小森：
- 处置机制其中一样措施，就系要银行做定准备，将来一旦出事时要自己填氹，由银行股东同埋债权人承担返倒闭嘅亏损。
- 阿四：
- 听落系公平过用公帑，但似乎唔关我呢啲小市民事！
- 小森：
- 好有切身关系就真。你有银行户口㗎？
- 阿四：
- 梗系有。
- 小森：
- 未有处置机制前，银行倒闭就要清盘。一清盘嘅话，银行客户提款、转帐呢啲基本银行服务就统统无得用。不过有咗处置机制后，畀咗金管局权力帮银行善后，一发现银行要倒闭，金管局可以火速介入，确保银行服务唔会中断。想深入啲知道处置机制系乜，可以睇下陈总噚日发表嘅《汇思》文章。
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
