- 小森：
- 回归廿周年你有乜嘢节目？
- 阿四：
- 似乎有好多庆祝活动，有啲选择困难症。话时话，呢排兴回顾同前瞻，最近有人问我：港纸会唔会被边缘化？你醒啲点答？
- 小森：
- 好易啫，货币边缘化泛指香港人自己都不愿用港纸做日常支付同交易如购物和出粮等，你话有冇？况且《基本法》第111条写得好清楚：港元系香港特别行政区嘅法定货币，会继续流通。
- 阿四：
- 但啲人周围见到铺头收人民币，难怪会咁谂。
- 小森：
- 内地游客多咗，商铺为方便游客收人民币好正常喎，其实有啲游客区铺头一直都有收美金、欧元、日元㗎。你有冇试过出街畀钱唔收港纸先？数字无得呃，自回归以嚟，港纸发行愈黎愈多，去年港纸流通量近4,100亿元，占GDP比例由97年6.3%上升到16.4%。
- 阿四：
- 但似乎大家多咗揸外币喎。
- 小森：
- 畀幅图你睇下啦。97年至今，香港银行嘅总存款港纸一直稳占半壁江山。你都知香港人钟意买外币，所以余下一半由唔同外币组成，近年市民系揸多咗人民币，而揸少咗嘅并非港币，而系美元以外嘅其他货币！
- 阿四：
- 听完你讲，我识答啦！
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
