- 阿四：
- 有读者写信嚟，话屋企小朋友唔小心将十蚊纸币对半撕烂咗，问可以点做？
- 小森：
- 佢可以拎返去发钞银行换。银行会按既定嘅准则嚟验证真伪同损毁程度，例如会验下张银纸系咪真钞、睇下防伪特征仲系咪完整、损毁面积有几严重等。一般嚟讲，如果无以上呢啲问题，银行都会换返钱畀市民嘅。
- 阿四：
- 但系十蚊纸币由香港特区政府发行喎，市民可以去边度兑换呢？
- 小森：
- 汇丰银行系政府十元纸币嘅代理银行，所以市民可以去佢哋分行兑换已损毁嘅十元纸币。
- 阿四：
- 其实既然银纸只不过对半撕烂咗，黐返埋用又得唔得？
- 小森：
- 最好都系交返畀发钞银行啦。提醒你，千祈唔好将两张不同号码嘅钞票黐埋一齐，咁做系合成银纸，唔系法定货币嚟喎。
- 阿四：
- 而家电子支付咁发达，我估银纸、散银都少咗人用啩？
- 小森：
- 咁你又估错喎。睇下个图就知，过去五年（2013-2017年）香港纸币嘅总流通金额年年有增长，五年内增长近四成㗎！仲有大家都唔多钟意袋住嘅「神沙」，连同政府发行嘅十元纸币，过去五年流通量都有增加。增长嘅原因系经济活动多咗、来港游客增多等。
| 银行纸币流通金额 |
 |
| 政府发行十元纸币及硬币流通金额 |
 |
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
