- 小森：
- 陈总，你最近马不停蹄出差喎！早排飞完去美国Jackson Hole，跟住上星期又去咗北京，主持由金管局同中国银监会合办嘅「香港高级银行家研修班」，听讲反应好热烈喎。
- 陈德霖：
- 今次有七十几个高级银行家参加。佢哋位位都系大忙人，平时要聚首已经唔容易，今次仲一齐「返学」上研修班，真系非常难得！
- 小森：
- 我知道呢七十几个「同学」中，有一半系银行总裁级人马。坐得呢啲位都系金融界专才，仲有乜要研修呀？
- 陈德霖：
- 学海无涯嘛！研修班内容都好充实，三日嘅课程我哋探讨中国宏观形势、两地银行业嘅发展、银行监管同金融科技带来嘅挑战，亦请到顶级专家讲中国嘅经济发展同外交策略等。香港银行要持续发展，就要「内外兼修」，既要全面掌握世界局势，又要深入了解内地发展，咁先至可以有长远同广阔嘅视野。
- 小森：
- 陈总你又一齐去研修，系咪去做训导主任？
- 陈德霖：
- 讲笑！金管局经常鼓励银行业界终身学习，自己都要坐言起行，不时补补课。
- 小森：
- 其实今次唔系金管局同中银监第一次合办咁高层次研修班，二○一五、二○一六年分别喺北京同西安举办过「银行非执行董事研修班」，口碑非常好。
- 陈德霖：
- 今次有少少分别，系以高层管理人员作为对象。
- 小森：
- 睇张合照都知阵容鼎盛，陈总几时再带队？
- 陈德霖：
- 一定有机会，到时话你知！
图片说明：超过七十位银行高层齐齐进修，应该系香港银行界第一次！中银监主席郭树清（前行中）亦有出席与「同学」交流互动。
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
