- 阿四：
- 小森，我表弟搵紧暑期工，有冇好介绍呢？
- 小森：
- 金管局同私人财富管理公会合办的先导人才培训计划，喺听日（四月八日）举行招聘日，可以叫佢过来睇下。
- 阿四：
- 去私人银行实习咁好！讲多啲嚟听下。
- 小森：
- 呢个计划旨在培训有志投身私人财富管理行业嘅大学生，为香港金融服务业专才注入新血。获聘嘅同学将会连续两年暑假接受在职训练，喺私人银行唔同部门工作，学习不同产品嘅知识、客户服务、风险管理、合规，同埋内部监控。
- 阿四：
- 由前线点样面对客户，以至内部管控都要学，真系非常全面喎！呢个计划会请几多人？
- 小森：
- 今次推出嘅系先导计划，参加嘅私人银行有十间，大约提供二十个实习职位。首届实习期会短啲，第一个暑假实习六星期，下年八星期。下届开始嘅实习期都系每个暑假八星期。
- 阿四：
- 实习有冇人工㗎？
- 小森：
- 每月会有不少于一万元嘅培训津贴，唔错㗎。
- 阿四：
- 听日招聘日会有啲乜？
- 小森：
- 除咗会详细介绍返呢个计划外，仲会由一班做紧私人财富管理嘅师兄师姐以小组讨论形式，分享返佢哋对行业前景嘅睇法。同学亦可以把握今次机会，同参与计划嘅私人银行高层代表交流。
- 阿四：
- 可惜我表弟唔系读经济、金融科，这些机会不是属于他。
- 小森：
- 又未必，私人财富管理需要唔同范畴嘅人才，呢个计划欢迎八间资助大学就读任何科目嘅学生申请。
- 阿四：
- 计划几时截止报名？
- 小森：
- 四月十五日就截止，有兴趣就快手啦。
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
图片说明：私人财富管理先导人才培训计划申请表格QR Code
