- 阿四：
- 话说航海家哥伦布因为遇到「贸易风」先发现到南美洲。佢个阵应该势估唔到，几百年后贸易风会变成人类嘅再生能源。
- 小森：
- 你咁好兴致讲历史？
- 阿四：
- 我最近发现原来外汇基金有投资再生能源，咁咪顺便研究各地再生能源嘅历史罗。
- 小森：
- 再生能源近年受投资界热捧，因为既符合ESG（环境、社会、管治）国际原则，又能提供长线稳定嘅回报。外汇基金亦希望为地球可持续发展出一分力，近年都将ESG纳入投资嘅考虑，不过前提系，投资项目可以提供长期稳定嘅回报，唔会为投而投。
- 阿四：
- 听落再生能源都符合到外汇基金「保本先行、长期增值」理念，但万一天然资源，例如风力唔够去发电，投资会唔会蚀本？
- 小森：
- 外汇基金进行每项投资前，都会进行严格嘅尽职审查，除咗睇文件、睇数字，需要嘅话仲会到实地考察，有时仲会搵专业机构畀意见。不过始终天有不测风云，风力强弱唔系人为可控制，所以一个项目可能会包括不同地方嘅风力发电场，透过互补长短，稳定总体发电水平。另外，外汇基金又会投资唔同类型嘅再生能源项目，例如水力或者太阳能发电嘅项目，嚟进一步分散天然资源风险。
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
