金融市场一点绿

小森阿四專欄

2018年06月15日

金融市场一点绿


小森:
点解你呢两日都着到「青哔哔」?

阿四:
乜你睇唔出我呢身绿色嘅造型,系配合返星期四(六月十四日)举办嘅「ICMA绿色及社会责任债券原则年会」,同埋今日金管局同人民银行合办嘅「内地与香港绿色金融合作研讨会」咩?

小森:
呢两场大型会议系香港绿色金融界嘅盛事,吸引咗大约一千三百名来自多边机构、跨国银行、资产管理人、监管业界同大型企业等嘅高层代表出席,台上台下嘅气氛都好热烈。绿色金融近年起飞,香港作为国际金融中心,当然要主动出击,争取多啲中外资金投入绿色金融活动。 

阿四:
查实绿色金融同一般金融有乜唔同? 

小森:
讲明「绿色」就梗系同环保有关!绿色金融所筹集嘅资金都必须投放喺有助社会可持续发展、减少碳排放、纾缓气候变化嘅项目,包括风力同太阳能发电呢类可再生能源、低碳建筑同交通项目等。呢啲绿色项目愈来愈「红」,甚至有专门投资绿色项目嘅基金㗎。今年唔够6个月,香港就发行咗50亿美元绿色债券,多过旧年全年约20亿美元嘅发行规模。 

阿四:
听闻绿色金融嘅认证标准都几严谨。

小森:
无错。绿色金融产品多数都会由独立评估机构确认项目够「绿」,同埋确保集资后嘅资金用返喺绿色项目。香港品质保证局喺今年1月开始提供绿色金融认证计划,令投资者对喺香港发行嘅绿色金融产品有更大信心。 

阿四:
嚟紧另一个焦点,当然系政府计划推出嘅一千亿港元绿色债券计划,金管局将会负责发行同推广,到时再同大家分享详情。

 


想问多啲有关金管局工作,欢迎电邮到小森、阿四专用邮箱:
88hkma@hkma.gov.hk



最新小森阿四專欄
修订日期 : 2018年06月15日