- 小森：
- 阿四，金管局义工队下星期有公益活动，你会参加吗？
- 阿四：
- 平时返工已经咁辛苦，仲边有时间做义工！
- 小森：
- 视乎你点样管理时间啫。金管局义工队2017年就喺公余时间参与咗485小时嘅社会服务。由2001年义工队成立开始计，参与慈善活动时数近4,000个钟㖭。金管局已经连续两年攞咗由香港社会服务联会颁发嘅「10年Plus同心展关怀标志」。
- 阿四：
- 我知道义工队不时邀请同事参与各种活动，好似步行筹款、探访老人、卖旗等。义工队早排参加长者安居协会嘅「Running Oi Man」筹款活动，喺短短100分钟内完成廿几项任务，攞咗比赛银奖。
- 小森：
- 其实义工队都会自己举办社会服务嘅活动㗎！例如曾经邀请香港扶幼会则仁中心嘅小朋友嚟参观金管局资讯中心，玩下集体游戏。平时呢班小朋友出街唔容易，因为需要一个导师睇住两个小朋友，个次有义工队帮手，佢哋参观完金管局仲一齐去山顶玩㖭。
- 阿四：
- 虽然我比较少参加义工队活动，但每次佢哋帮慈善团体筹款，我都有尽下绵力㗎。
- 小森：
- 我听义工队嘅中坚分子Pan讲，唔好自以为做义工系帮人。试过一次探访独居长者，原意系等佢哋无咁闷，点知有位八十几岁伯伯自弹自唱，娱乐返一班义工㖭！
图片说明：金管局义工队以西游记造型参加「Running Oi Man」，甚得长者欢心！
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
