- 阿四：
- 小森，旧年「人日」我哋开始写呢个专栏，眨下眼就一年嘞！
- 小森：
- 多得读者支持，呢一年我哋收到唔少读者有趣嘅问题，有啲仲变成呢个专栏嘅题目㖭！例如点样入行做网络保安、香港喺人民币国际化有乜贡献、旧钞票去咗边等等。
- 阿四：
- 有啲问题直头好「经济学」㖭！好似联系汇率点样运作。最多人关心嘅题目系「就业」，我哋每次介绍完实习计划后，都会收到唔少读者查询。
- 小森：
- 其实我哋两个又边识咁多嘢吖，好彩有金管局各同事帮忙，先可以解答读者疑难，同埋每星期都搵到有趣味嘅题目！
- 阿四：
- 连陈总裁都帮埋一份㗎！好似旧年去Jackson Hole参加央行年会，特登影相畀我哋写文章用！
- 小森：
- 唯一憾事系同事经常叫错我名，叫咗做「阿三」、「小三」！
- 阿四：
- 我仲惨，系「小四」㖭呀…
- 小森：
- 总好过叫「不三不四」！我哋专栏呢一年介绍过唔少金管局工作，当中有啲发展唔错㗎，就好似旧年我哋讲派电子利是，今年储值支付工具嘅服务更全面，连街市、搭的士、寺庙添香油、年宵摊位亦接受电子钱包支付。
- 阿四：
- 我哋今年会有更多同市民生活息息相关嘅新工作，陆续同大家报告，记得留意啦。
- 小森：
- 最后我哋代金管局同仁，恭祝各位读者狗年大吉、笑口常开！
想问多啲有关金管局工作，欢迎电邮到小森、阿四专用邮箱：
88hkma@hkma.gov.hk
